Оюунбилэгийн Хаш-Эрдэнэ

Хаш-Эрдэнэ нь Монгол Улсын Их Сургуулийн Хууль Зүйн Сургуулийг эрх зүйн бакалаврын зэрэгтэй төгссөн.
Өмгөөллийн “Кэй И Партнерс” ХХН-ийг үүсгэн байгуулахаасаа өмнө тэрээр Монгол Улсын шилдэг арилжааны банкуудын нэг болох Голомт банкинд зээлийн асуудал хариуцсан хуульчаар ажлын гараагаа эхлэн, ангилагдсан зээлийн санхүүжилтийн бүтцийг шинэчлэн сайжруулах, чанаргүй зээл төлүүлэх мөн хөрөнгийн, үнэт цаасны зах зээлийн салбар дахь томоохон төслүүдэд Голомт банкийг төлөөлөн оролцох зэрэг үйл ажиллагаа явуулж байв.
Түүнчлэн тэрээр Монгол улсын үнэт цаасны зах зээлийн түүхэн дэх хамгийн томоохон санхүүгийн хэлцлийг зохион байгуулах үйл ажиллагаанд хууль зүйн зөвлөгөө өгөх, үнэт цаасыг хаалттай зах зээлд гаргахад хууль зүйн магадлан шалгалтыг хариуцан ажиллах, Монгол Улсын анхны хөрөнгө оруулалтын сан болох “Виртус Рийл Истейт”-г байгуулах зэрэг чухал ач холбогдол бүхий төслүүдийг амжилттай гүйцэтгэсэн туршлагатай.
Хаш-Эрдэнэ нь Монголын хуульчдын холбооны гишүүн, өмгөөлөгч бөгөөд Санхүүгийн Зохицуулах Хорооноос олгосон үнэт цаасны зах зээлд мэргэжлийн үйл ажиллагаа эрхлэх эрхтэй.
Тэрээр Иргэний эрх зүй, Үнэт цаас болон Компанийн эрх зүйгээр мэргэшиж ажилладаг.

Батсүхийн Раднаасүрэн

Раднаасүрэн нь Монгол Улсын Их Сургуулийн Хууль зүйн сургуулийг эрх зүйн бакалавр зэрэгтэй төгссөн. Тэрээр Өмгөөллийн “Кэй И Партнерс” ХХН-д нэгдэж орохоос өмнө 2010 оноос 2015 оны хооронд ШШГЕГ-ын Захиргааны удирдлагын газарт Хүний эрх, хууль зүйн асуудал хариуцсан ахлах мэргэжилтний албан тушаал хашиж байсан бөгөөд гэрээ, хэлэлцээрийн эх боловсруулах, хянах, байгууллага төлөөлж захиргаа, иргэний хэрэг шүүхэд хянан шийдвэрлэх ажиллагаанд оролцох, ШШГЕГ-ын даргын батлах журам, тушаалыг боловсруулах зэрэг ажлыг гүйцэтгэдэг байсан. Мөн Раднаасүрэн нь 2015-2017 он хүртэл ШШГЕГ-ын харьяа орших Багануур дүүрэг дэх Шийдвэр гүйцэтгэх газар тасгийн даргаар ажиллаж байсан бөгөөд гол төлөв цагдан хорих үйл ажиллагаа явуулах мөн Иргэний хэргийн шийдвэр гүйцэтгэх үйл ажиллагаа буюу чанаргүй зээл барагдуулах ажлыг хариуцдаг байв.
Одоо тэрээр Иргэний болон Захиргааны эрх зүйн чиглэлээр мэргэшсэн Ахлах хуульчаар ажиллаж байна.

Баярмаагийн Ананд

Ананд нь Монгол Улсын Их Сургуулийн Хууль Зүйн Сургуулийг бакалаврын зэрэгтэй төгсөж мөн тус сургуульд магистрын зэрэг хамгаалсан. Тэрээр Өмгөөллийн “Кэй И Партнерс” ХХН-д нэгдэж орохоосоо өмнө Худалдаа хөгжлийн банканд ахлах хуульчаар мөн Ти Ди Би Капитал ҮЦК ХХК-ийн хуулийн зөвлөх, Монголын банкны холбооны хуульчдын мэргэжлийн зөвлөлийн гишүүн хуульчаар тус тус ажиллаж байсан.
Худалдаа, хөгжлийн банканд ажиллаж байх хугацаандаа банкнаас байгуулах томоохон төслийн хэлцлүүдэд зөвлөгөө өгөх, Худалдаа, хөгжлийн банкны Олон улсын зах зээлд гаргасан Засгийн газрын баталгаатай бонд болон бусад бонд гаргах ажилд багаар ажиллаж байв. Түүнчлэн, Ти Ди Би Капитал ҮЦК ХХК-д ажиллаж байх хугацаандаа хөрөнгө оруулалт, үнэт цаасны чиглэлээр зөвлөгөө өгч ажилласан туршлагатай.
Ананд нь Монголын Хуульчдын холбооны гишүүн өмгөөлөгч бөгөөд Иргэний эрх зүй, банк, үнэт цаас, санхүүгийн эрх зүйн салбарт мэргэшин ажиллаж байна.

Мөнхсайханы Лхамсүрэн

Лхамсүрэн нь Монгол улсын их сургуулийг Олон
улсын эрх зүйн баклаврын зэрэгтэй төгссөн. Тэрээр
Өмгөөллийн “Кэй И Партнерс” ХХН-д нэгдэж
орохоос өмнө Худалдаа хөгжлийн банкны хуулийн
газарт хуульчаар ажиллаж байсан бөгөөд банк
санхүү, үнэт цаасны салбарт туршлага
хуримтлуулсан.
Лхамсүрэн нь Монголын Хуульчдын холбооны
гишүүн, өмгөөлөгч бөгөөд мэргэжлийн Англи
хэлтэй.
Тэрээр Иргэний эрх зүй, үнэт цаас мөн компанийн
эрх зүйн салбарт мэргэшин ажиллаж байна.

Ганбаатарын Бат-Эрдэнэ

Г.Бат-Эрдэнэ нь Монгол Улсын Их Сургуулийн Хууль Зүйн Сургуулийг эрх зүйн бакалаврын зэрэгтэй төгссөн. Оюутан байхдаа Нийслэл дэх захиргааны хэргийн анхан шатны шүүхэд дадлагажигчаар ажиллаж тус салбарын онцлог, мэдлэг, ур чадварт суралцсан. Одоогоор тэрээр нөхөрлөлийн өдөр тутмын хэвийн ажиллагааг хангах, Өмгөөлөгчдийн ажилд туслах чиг үүрэгтэй ажиллаж, мэдлэг, туршлага хуримтлуулж байна. Г.Бат-Эрдэнэ нь хууль, эрх зүйн чиглэлээр олон хурал, мэтгэлцээний болон илтгэлийн тэмцээнд амжилттай оролцож байсан бөгөөд Ахиллис
Монгол Интернэшнл зэрэг байгууллагад сайн дурын ажил хийж байсан туршлагатай.
Тэрээр Монголын Хуульчдын холбооны гишүүн, хуульч бөгөөд захиргааны эрх зүйн чиглэлээр мэргэшин ажиллаж байна.

Үйтүмэнгийн Ананд

Ү.Ананд нь Монгол Улсын Их Сургуулийн Хууль Зүйн Сургуулийг эрх зүйн бакалаврын зэрэгтэй төгссөн. Одоогоор тэрээр нөхөрлөлийн өдөр тутмын хэвийн ажиллагааг хангаж, мэдлэг, туршлага хуримтлуулж байна.
Тэрээр компанийн эрх зүй, иргэний эрх зүйн чиглэлээр мэргэшин ажиллаж байна.

Ариунболдын Дөлгөөн

А.Дөлгөөн нь Монгол Улсын Их Сургуулийн Хууль Зүйн Сургуулийг эрх зүйн бакалаврын зэрэгтэй төгссөн. Одоогоор тэрээр нөхөрлөлийн өдөр тутмын хэвийн ажиллагааг хангаж, мэдлэг, туршлага хуримтлуулж байна.
Тэрээр үнэт цаасны эрх зүй, иргэний эрх зүйн чиглэлээр мэргэшин ажиллаж байна.